साप्ताहिक राशिफल (मंसिर १२–१८)

आगामी ७ दिनभित्रका चाडपर्व र उत्सव तथा शुभ मूहुर्त :– 

१२ गते : रामेछापमा तामाकोसी र सुनकोसीको दोभानमा त्रिवेणी मेला, पशुपतिनाथ, झापाको अर्जुनधारा र शताक्षी धाम (सतासी धाम), खोटांग हलेसी महादेवस्थान लगायत देशभरिका शिवालयमा बाला चतुर्दशीको मेला, अखण्ड बत्ती बाल्ने दिन, बालाचह्रे पूजा, रुद्राभिषेक(रुद्रीपूजा), द्रव्यप्रयोग वा लगानी, दैलो राख्ने, 

१३ गते : बाला चतुर्दशी, सद्बीज छर्ने दिन, अग्निवास(होमादि), 

१४ गते : दर्श श्राद्ध, हलो तथा निशि बार्ने दिन, 

१५ गते : शुभविवाह, 

१६ गते : चन्द्रोदय, विश्व एड्स दिवस, शुभविवाह, रुद्राभिषेक(रुद्रीपूजा), अग्निवास(होमादि), पुराणश्रवण, दीक्षाग्रहण, 

१७ गते : टंकप्रसाद आचार्यको  जन्मदिन, दीक्षाग्रहण, 

१८ गते : विश्व अपांग दिवस, शुभविवाह, अग्निवास(होमादि)

साप्ताहिक राशिफल

(वि.सं. २०७३ मार्गशीर्ष १२ गतेदेखि वि.सं. २०७३ मार्गशीर्ष १८ गतेसम्म)

मेष (चु, चे, चो, ला, लि, लु, ले, लो, अ) – 

सुखद दाम्पत्य जीवन र रमणीय वातावरणमा यो साता व्यतीत हुने देखिन्छ । साताको प्रारम्भमा रसरङ्गको चाहना पूर्ण हुने योग आएको छ । दाम्पत्य सम्बन्धमा सुमधुरताको प्राप्ति हुनेछ । बालबच्चाबाट पनि सुखसन्तोष प्राप्त हुनेछ । मेवामिष्ठान्न आदि खान पाइने र मनोरञ्जनमा भुलिन पाउनु हुनेछ । तर सोमबारपछि आठौं भावमा चन्द्रमाको प्रवेश हुनेछ, सानातिना काम र घरेलु समस्यामा नै समय व्यतीत हुनेछ । प्रत्येक काममा बाधाअडचन आउने र ढिलो गरी कार्यसम्पादन हुने समय छ । सवारी साधन हाँक्दा सचेतता अपनाउनु बेस हुनेछ । स्वास्थ्यमा समस्या हुनसक्छ । बिहीबारपछि भाग्यको चन्द्रमाले सुखसुविधा र मनोरञ्जन जुटाउन मद्दत गर्नेछ । धार्मिक, सामाजिक वा सांस्कृतिक काममा खट्नु पर्ने समय पनि हो, जसबाट प्रशंसा र शुभ कुराको सङ्केत प्राप्त हुनेछ । परोपकार र धार्मिक क्षेत्रमा लगानी गरेमा अझ राम्रो हुनेछ । साताको अन्त्यमा कर्मप्रति समर्पित हुने समय आउने छ । आफ्नो काममा तल्लीन हुनुपर्ने भएकाले समय बितेको पत्तो पाउनु हुन्न, तर श्रमिक, पशुपालक र कृषकले अलि बढी थाकेको अनुभूति गर्नेछन् । कतै लामो दूरीको लाभदायी यात्रा गर्नु छ भने राम्रो हुन्छ । 

बृष (इ, उ, ए, ओ, बा, बि, बु, बे, बो) – 

मौसमी रोगव्याधि र घरायसी समस्यामा समय व्यतीत हुनेछ । साताको मध्यभाग केही सन्तोषजनक भए पनि समग्रमा दौडधूप र बेचैनीमा साता बित्नसक्छ । सुरुमा प्रतिद्वन्द्वीहरूसित सतर्क रहने समय छ । घरपरिवारमा पनि वैचारिक मतभेद देखा पर्नसक्छ । जीवनसँगी वा नजिकको मित्रसँग कुरा मिल्दैनन् । मानसिक तनावको सिर्जना हुनेछ । आकस्मिक रूपमा स्वास्थ्यमा पनि समस्या आउन सक्छ । सोमबारपछि प्रेम र प्रणयप्रसङ्गका लागि अनुकूल हुनेछ । समय मनोरञ्जनपूर्ण रहनेछ । व्यावसायिक यात्राको सम्भावना छ । दाम्पत्य जीवन सुखद तथा समृद्ध बन्ने देखिन्छ । आम्दानी बढ्नेछ । नयाँ सवारी साधन प्राप्तिको योग पनि छ । तर बिहीबारपछि समय राम्रो हुँदैन, झैझगडा र मुद्दामामिलाभन्दा टाढै बस्नु उचित हुनेछ । यात्रा घातक बन्न सक्छ, धेरै टाढा नजानु होला । आम्दानीका मार्ग अवरुद्ध हुनेछन् । बोलीमा संयमता अपनाउनु होला, आफूले भनेको कुराले विपरीत अर्थ प्रदान गर्न सक्छ । अन्त्यमा भाग्यको चन्द्रमाले साथ दिनेछ, परोपकार र धार्मिक क्षेत्रमा लगानी गरेमा राम्रो हुनेछ । साथीभाइसित भेटघाट हुनुका साथै मनोरञ्जनात्मक काममा संलग्न भइने छ । दाजुभाइ र दिदीबहिनीले दिएको सुझावलाई पालना गर्दा लाभ प्राप्त हुनसक्छ । 

मिथुन (का, कि, कु, घ, ङ, छ, के, को, ह) – 

बौद्धिक क्रियाकलाप र ज्ञानगुनका क्षेत्रमा सक्रिय हुने समय छ । साताको प्रारम्भमा नै कुनै खुशीको समाचार सुन्न पाइएला । लाभमूलक कामको लागि खट्नुपर्ने वातावरण बन्नेछ । बौद्धिक क्षमताको प्रस्फुटन हुनाले सृजनात्मक सफलता मिल्नेछ । भोगविलासमा मन जानेछ । समय रमाइलो गरी बित्नेछ । सोमबारपछि काममा अधिकार प्राप्तिका लागि तर्क, बहस र छलफलमा दिन बिताउनु पर्नेछ । प्रतिस्पर्धी र शत्रुहरूको चलखेल बढ्नाले केही चुनौती र अपठ्याराको सामना गर्नुपर्छ । प्रयत्न गर्दा समेत परिस्थिति आफ्नो पक्षमा आउने छैन । बिहीबारपछि रामरमाइलो र मनोरञ्जनका क्षेत्रमा समय व्यतीत हुनेछ, हाँसखेल, भ्रमण र मनोरञ्जनको अनुकूलता मिल्नेछ । घरपरिवारका सदस्य र साथीभाइसँग मतभिन्नता भएपनि अन्त्यमा उनीहरू सकारात्मक देखिने छन् । मावली पक्षका काममा सरिक हुने समय छ । जीवनसाथी वा आमाको सल्लाहमा गरिएको काममा सफलता प्राप्त हुनेछ । साताको अन्त्यमा दुर्घटना र स्वास्थ्यप्रति सचेत हुनु राम्रो हो । खानपानमा नियन्त्रण गर्नु बेस हुनेछ, त्यसबाट स्वास्थ्यमा नकारात्मक असर पर्न सक्छ । वर्तमान समयलाई धैर्यता, संयमता र सोचविचार गरी उपयोग गर्नु बुद्धिमत्ता हुनेछ । मनोरञ्जनात्मक क्रियाकलापबाट हानि पुग्ने सम्भावना छ । 

कर्कट (हि, हु, हे, हो, डा, डि, डु, डे, डो) – 

परिवारभित्रका झिनामसिना काममा धेरै समय खर्चनु पर्नेछ । मनमा देखिने अस्थिरता अधैर्यताका कारण निर्णायक क्षमतामा कमी आउने छ । कामधन्दामा अर्काको भर नपर्नु नै राम्रो हो, परिवारकै सदस्यबाट धोका हुनसक्छ । सोमबारपछि बुद्धिपक्ष सक्रिय हुनेछ । तर पाँचौंभावमा चन्द्रमा र शनिको युति हुनाले मानसिक खिन्नता बढ्ने सम्भावना छ, प्रेम र भावनापक्ष कमजोर बन्नेछ । यद्यपि सन्तति पक्ष र भाइबहिनीले खुसीको वातावरण सिर्जना गर्नेछन् । ज्ञानगुनका क्षेत्रमा सक्रियता बढ्ने छ । बौद्धिक र सृजनात्मक सफलता मिल्नेछ । पारिवारिक जीवन सामान्य र सन्तोषप्रद रहने छ । बिहीबारपछि छैटौं चन्द्रमा हुने भएकाले मनमा अशान्ति र छटपटी अझ बढ्ने सम्भावना देखिन्छ । अनावश्यक र दिक्कलाग्दो यात्रा हुन सक्छ । भोगविलासमा मन जानेछ । स्वास्थ्यका दृष्टिकोणले यो राम्रो समय होइन । आर्थिक सङ्कटको योग छ । अन्त्यमा सातौं भावमा चन्द्रमा जाने हुँदा मनोरञ्जन र रमाइलो वातावरणको आगमन हुनसक्छ । कृषि, पशुपालन र दुग्धजन्य पेसामा संलग्न व्यक्तिहरुले राम्रो आर्थिक लाभ गर्नेछन् । प्रायः सबैले प्रणयसम्बन्ध र रतिरागका लागि समय छुट्याउने छन् । आनन्द र रमणीयताका लागि समय र धन खर्च हुन सक्छ । 

सिंह (मा, मि, मु, मे, मो, टा, टि, टु, टे) – 

पराक्रमी काम गर्ने समय छ । आत्मबल र उत्साहमा अभिबृद्धि हुनेछ । सामाजिक कामबाट प्रशंसा प्राप्त हुनेछ । शुभ कुराको सङ्केत मिल्नेछ । कुनै देवालय, मठमन्दिर वा सार्वजनिक प्रतिष्ठानको दर्शन, भ्रमण वा अवलोकन हुनेछ । मित्रवर्ग र बन्धुवान्धवबाट राम्रो सहयोगको अपेक्षा गर्न सकिन्छ । सोमबारपछि घरपरिवारका समस्यामा समय बित्नेछ । खर्चको मात्रा ह्वात्तै बढ्न सक्छ । शरीरमा आलस्य जाग्नेछ । काम गर्न जाँगर लाग्दैन । प्रतिफल प्राप्त नहुने क्षेत्रमा लगानी हुनसक्छ । चिताएको काममा अप्ठ्यारा र चुनौतीको सामना गर्नुपर्छ । धैर्यले काम लिने समय छ । बिहीबारपछि सन्ततिपक्षबाट खुसीको समाचार प्राप्त हुने छ । आफन्तले प्रशंसा गर्नेछन् । मन प्रफुल्ल र उत्साही बन्ने छ । घरपरिवारमा रमाइलो जमघट हुने छ । गर्न लागेको काममा सबैले साथ दिनेछन् । बौद्धिक क्रियाकलापबाट लाभ पाउन सकिन्छ । तर साताको अन्त्यमा स्वास्थ्यमा अचानक गडबडी आउने देखिन्छ । त्यसबाट फाइदा हुने सम्भावना छैन । सहयोगी हातहरू पछि हट्न सक्छन् । अनावश्यक र दिक्कलाग्दो यात्रा हुन सक्छ । आर्थिक समस्याले सङ्कट उत्पन्न हुनसक्छ । 

कन्या (टो, प, पि, पु, ष, ण, ठ, पे, पो) – 

धनधान्य र सुखसम्मृद्धि कमाउने राम्रो सप्ताह छ । सुरुमा प्राविधिक काममा विशेष सफलता प्राप्त हुनाले आत्मसन्तुष्टि प्राप्त हुनेछ । आभूषण, श्रृंगार, साजसज्जा, फेसनडिजाइन र सञ्चार क्षेत्रका व्यवसायीले राम्रो लाभ प्राप्त गर्नेछन् । पारिवारिक वातावरणमा हर्षको वातावरण बन्नेछ । सोमबारपछि तृतीय भावको चन्द्रमाले गर्दा पराक्रम र उत्साह बढ्ने समय छ । उद्योग र व्यापारमा विशेष फाइदाको योग छ । सहयोगीहरूले साथ दिनेछन् र काममा सोचेजस्तै सफलता मिल्नेछ । कृषिकर्म र व्यावसायिक काममा भने केही चुनौतीको सामना गर्नुपर्छ । बिहीबारपछि चौथो घरमा रहेको चन्द्रमाका कारण घरपरिवार र छरछिमेकमा असमझदारी बढ्न सक्छ । झैझगडा र विवादबाट फाइदा हुँदैन । सामाजिक मर्यादामा आँच आउने सम्भावना छ । घरपरिवारबाट पनि आवश्यक सहयोग मिल्ने छैन । परिश्रम गर्दा पनि सोचेजस्तो उपलब्धी हात पर्ने छैन, मिहिनेत र परिश्रम व्यर्थै खेर जान सक्छ । साताको अन्त्यमा बौद्धिक र लेखनकार्यमा सफलता प्राप्त हुने योग छ । सन्तति पक्ष र भाइबहिनीले खुसीको वातावरण सिर्जना गर्नेछन् । साथीभाइले तपाईंका सकारात्मक कामको समुचित मूल्याङ्कन गर्नेछन् । मनोरञ्जनका लागि राम्रै समय छ । 

तुला (र, रि, रु, रे, रो, ता, ति, तु, ते) – 

आफ्नै घरमा रहेको चन्द्रमाका साथमा यो साताको प्रारम्भ भएकाले समग्रमा यो साता उत्तम साता मान्दा हुन्छ । तर साताको अन्त्यमा घरायसी समस्यामा रुमल्लिनु पर्ने समय हुनेछ । सुरुमा रोकिएका काम सम्पादन हुने र नयाँ काम पाइने योग छ । मान–सम्मान र प्रतिष्ठा बढ्नेछ । बोलीको भरमा काम सम्पादन हुने योग छ । विचार र दर्शनका बलमा धेरैलाई आकर्षण गर्ने समय छ । नयाँ काममा हात हाल्ने समय छ । सोमबारपछि चन्द्रमाले धनमा प्रवेश गर्नेछ, आम्दानी बढ्ने र उठ्नुपर्ने रकम हातलागी हुने समय छ । कृषि तथा पशुधनबाट लाभ लिन सकिने छ, त्यस्तै बन्दव्यापारमा समेत प्रशस्त फाइदा हुने योग छ । गरेका कामबाट राम्रै लाभ हुनेछ । श्रमको उचित मूल्याङ्कन होला । बिहीबारपछि व्यवसायिक क्षेत्र सफल रहने छ, आम्दानीमा कमी आउने छैन । दैनिक कामहरू सन्तोषजनक ढंगले सम्पन्न हुनेछन् । अर्थलाभका अवसर आउने छन् । राजनैतिक चासो पनि बढ्नेछ । तीर्थव्रत तथा देवालयको भ्रमण हुन सक्छ । साताको अन्त्यमा परिवारमा मतभेद हुनेछ । झैझगडा र मुद्दामामिलाभन्दा टाढै बस्नु उचित हुनेछ । प्रतिकूल परिस्थितिले पछ्याउने छ । सानातिना कामको झमेला आउनसक्छ । गरिएको लगानीबाट दीर्घकालीन फाइदा नहुन सक्छ । 

बृश्चिक (तो, ना, नि, नु, ने, नो, या, यि, यु) – 

सुरुमा बाह्रौं भावमा चन्द्रमा रहेकाले यो साता तपाईंको आर्थिक क्रियाकलापमा मन्दी छाउने छ । त्यसैले खर्चमा नियन्त्रण गर्नुपर्छ । अनावश्यक यात्राबाट जोगिनु पर्छ, बाटो काट्दा वा सवारीसाधन हाँक्दा निकै सचेत हुनुपर्छ । कल्पना र भावनामा केन्द्रित भइने छ । बोलीको विपरीत अर्थ लाग्न सक्छ । दुर्गमस्थान र टाढाको यात्रा सम्भावना छ । सोमबारपछि राशिमा चन्द्रमाको प्रवेश हुनेछ, हाँकेका, ताकेका काममा सफलता मिल्नेछ । रमाइलो र खुसीको वातावरण सिर्जना हुनेछ । पारिवारिक सुख मिल्नुका साथै अध्ययन–अध्यापनको क्षेत्रमा प्रगतिको खबर सुन्न पाउनु हुनेछ । आर्थिक पक्ष सुदृढ बन्नेछ । न्यायिक वा प्रतियोगितात्मक क्रियाकलापमा विजय प्राप्त हुनेछ । मनमा दोधारको अवस्था हुनसक्छ । बिहीबारपछि परिवारमा ठूलो जमघट वा धार्मिक सामाजिक कार्य सम्पन्न हुनेछ । उक्त अवसरमा तपार्इंको प्रत्यक्ष संलग्नता र भूमिका रहने देखिन्छ । विशिष्ट व्यक्तिले विचारको कदर गर्नेछन्, महत्वपूर्ण कार्य सम्पन्न हुने मौका छ । साताको अन्त्यमा मानप्रतिष्ठा र सामाजिक मर्यादामा अभिवृद्धि हुनेछ । दार्शनिक र आध्यात्मिक विषयवस्तुप्रति आकर्षित हुनुहुनेछ । भाइबहिनीका तर्फबाट खुसीको खबर प्राप्त हुने सम्भावना समेत छ । व्यावहारिक र सामाजिक जिम्मेबारी थपिनेछ । 

धनु (ये, यो, भ, भि, भु, ध, फा, ढ, भे) – 

राज्यस्थानको चन्द्रमाका साथमा साता सुरु भएकाले सामाजिक प्रतिष्ठा र सम्मान प्राप्तिका लागि यो साता राम्रो छ । पछाडि कुरा काट्ने शत्रु आफैं पराजित हुनेछन् । सामाजिक कार्यमा नेतृत्वदायी भूमिका वहन गर्नु पर्नेछ । सद्भाव र प्रेममा उच्च सफलता प्राप्त हुने योग छ । पुराना इष्टमित्र र प्रेमीप्रेमिकाको मिलन हुने समय हो । सोमबारपछि समय ठिक छैन । बाह्रौं भावमा चन्द्रमा पुग्नाले समाजमा तपाईंका कुरा काट्नेको कमी हुने छैन । आकस्मिक यात्राको समय छ, तर यात्राबाट सोचेजस्तो प्रतिफल प्राप्त हुनेछैन । मनमा विरक्तिको भाव बहन सक्छ । बौद्धिक र प्राज्ञिक क्षमताको उपयोग हुन सक्दैन । बिहीबारपछि चन्द्रमा पुनः सकारात्मक बन्नेछ, आफ्नो विचार र योजनालाई रचनात्मक रूप प्रदान गर्ने प्रयास गर्दा राम्रो हुनेछ, यस अवधिमा सुरु गरिएको क्रियाकलापले दीर्घकालिक फाइदा पुग्नेछ । विशिष्ट व्यक्तिलाई प्रभावित तुल्याएर काम बनाउन सकिनेछ । साताको अन्त्यमा आर्थिक क्षेत्र सबल रहने छ । स्वास्थ्यमा सकारात्मक सङ्केत देखिने छ । बन्दव्यापारबाट राम्रो फाइदा लिन सकिन्छ । भौतिक साधनको जोहो हुनाका साथै मनोरञ्जनात्मक क्रियाकलापमा सक्रिय हुने अवसर जुट्ने छ । 

मकर (भो, ज, जि, खि, खु, खे, खो, गा, गि) – 

कर्मक्षेत्रमा सक्रिय भई खट्ने वातावरण मिल्नेछ, नयाँ कामधन्दा र व्यापारबाट प्रशस्त फाइदा हुनेछ । काममा मातापिताको सहयोग प्राप्त होला । मातापिता वा विशिष्ट व्यक्तिको विचारले प्रभावित तुल्याउन सक्छ । प्रतिष्ठित काम गर्ने मौका छ । अरूलाई प्रभावित पारेर काम बनाउने समय छ । सोमबारपछि सुखद समाचार सुन्न पाइने छ । स्वास्थ्य सबल रहनेछ र काममा पनि फाइदाको योग छ । पशुपालन तथा कृषि क्षेत्रबाट राम्रो लाभ मिल्ने योग छ । पढाइलेखाइमा प्रगति हुनेछ । बौद्धिक प्रतिस्पर्धामा विजयी भइनेछ । तर बिहीबारपछि बाह्रौं चन्द्रमा हुनाले उचित समय हुँदैन । सट्टापट्टा वा जुवाजन्य क्रियाकलापमा धननाश हुन सक्छ । लामो दूरीको आकस्मिक यात्राको सम्भावना देखिन्छ, सोचेजस्तो लाभ मिल्न सक्दैन । यात्राका क्रममा झमेला पनि आउनसक्छ । व्यवहारिक खर्चको मात्रा बढ्नेछ । मनमा निराशा र विरक्तिभाव जाग्नेछ । यद्यपि साताको अन्त्यमा नयाँ योजना कार्यान्वयन गर्ने र दीर्घकालीन योजना बनाउने समय आउने छ । वैदेशिक यात्रा गर्ने योजनामा हुनुहुन्छ भने प्रयास गर्न अनुकूल हुनेछ । कृषिजन्य व्यवसायबाट राम्रो आर्थिक उपार्जन हुने समय छ । 

कुम्भ (गु, गे, गो, सा, सि, सु, से, सो, द) – 

भाग्यभावमा रहेको चन्द्रमा हुँदा साताको प्रारम्भमा मान्यजन र अभिभावक वर्गको सहयोगमा रोकिएका काम सम्पादन गर्न सघाउ पुग्नेछ । घरमा परपाहुना र अतिथिको आगमन हुनसक्छ । नयाँ ठाउँमा धन लगानी गर्ने वातावरण बन्नेछ । कुनै लाभदायक समाचार सुन्न पाइएला । सोमबारपछि कर्मक्षेत्रमा लगनशील हुने समय छ । हाकिम, मातापिता वा विशिष्ट व्यक्तिको विचारले प्रभावित तुल्याउन सक्छ । नोकरी अथवा व्यवसायसँग सम्बद्ध कुनै ठोस परिणाम देखा पर्नेछन् । तपाईंका सम्पूर्ण उद्यम र परिश्रमको राम्रो प्रतिफल प्राप्त हुनेछ । बिहीबारपछि प्रशासनिक र राज्यपक्षका कामबाट लाभ लिन सकिन्छ । भाइबहिनी वा सन्ततिका तर्फबाट खुशीको खबर प्राप्त हुने छ । आर्थिक रूपमा सबल हुनुहुनेछ, कारोबारमा गतिशीलता आउने छ र व्यवसायबाट लाभ हुनेछ । मायाप्रेमका लागि समय जुट्ने छ । पठनपाठनमा प्रगति हुनेछ । साताको अन्त्यमा खर्चभार बढ्ने छ । कृषिक्षेत्रबाट बेफाइदा हुनेछ । यात्रा घातक बन्नसक्छ । अनावश्यक र निरर्थक लगानी बढ्नेछ । आम्दानीका मार्ग अवरुद्ध हुनेछन् । स्वास्थ्य प्रतिकूल रहनेछ । चिन्ता र शङ्काले मन व्याकुल हुनसक्छ । पारिवारिक सहयोग प्राप्त हुँदैन । 

मीन (दि, दु, थ, झ, ञ, दे, दो, च, चि) – 

सुरुमा अष्टमस्थ चन्द्रमाका कारण विविध समस्यामा रुमल्लिने अवस्था आइ लाग्नेछ । शरीरमा आलस्य र थकानको अनुभव हुनेछ । अप्रिय समाचार सुन्नु पर्दा मन खिन्न हुने स्थिति आउने छ । धन, धर्म र भाग्यमा हानी पुग्ने सम्भावना छ । गर्नु नपर्ने काम बढी समय लगाएर गर्नु पर्ला । प्रतिकूल समयले घेरेको छ । सोमबारपछि भाग्यमा चन्द्रमा पुग्नाले लाभदायी यात्रा गर्नु छ भने राम्रो हुन्छ । सामाजिक उत्तरदायित्व वहन गर्ने समय छ । परोपकार र धार्मिक क्षेत्रमा लगानी गरेमा अझ राम्रो हुनेछ । नयाँ काम र जिम्मेवारी हात पार्ने मौका छ । बिहीबारपछि कर्मक्षेत्र सफल हुनेछ । प्राविधिक काममा विशेष सफलता प्राप्त हुने छ साथै आत्मसन्तुष्टि प्राप्त हुनेछ । यो समय विशेष महत्वको समय हुनेछ । मातापिता र अभिभावकवर्गको आशीर्वादले काम गर्न सक्छ । साताको अन्त्यमा आम्दानी बढ्ने र उठ्नुपर्ने रकम हातलागी हुने समय छ । कृषि तथा पशुपालनमा कम र व्यापारमा प्रशस्त फाइदा हुने योग छ । गरेका कामबाट राम्रै लाभ हुनेछ । श्रमको उचित मूल्याङ्कन होला । पढाइमा प्रगति हुनेछ । सरकारी कामबाट फाइदा हुनेछ ।